چاوگی هست و سز : نیلوبلاگ

ئەم کاتەت باش !
من ناوم کۆترە شینکەیە و کچم
ماڵەکەم وا لە گەڕەکی منارەیە.
من لە پەڕوباڵی خۆم و لە دەنووکم و
لە ماڵەکەم و گەڕەک و
لە هەموو شتێ بێزارم!
من گمەگمی حەرامی ناو ئاین و نیشتمانم.
من بۆم نییە دوور لەم منارەیە بفڕم!

من بۆم نییە دوور لە دەنگی منارەکە
گوێ لە دەنگێکیتر بگرم !
یان سەمایەک لەگەڵ بەفر و بادا بکەم.
یاخود دەستی کوڕی خەون و خۆزگەم بگرم!

من ناتوانم قژی خۆم بۆ جادەکان و
بۆ مۆسیقا و بۆ کۆترە شینکە نێرەکان
هەرگیز دەرخەم ... !

من مێینەی ناو بەهاری قەدەغەم و
شەو و رۆژیش
لەژێر چاودێری
دووربینی منارەدام ... !

باڵەکانم بۆیان نییه به دوو پەنجەیش
تەوقه لەگەل باڵنده نێرەکانا بکەن
من چارەنووسی حەرامم
وەکوو جەستەم
گوڵێک حەرام
ناوێک حەرام
گۆرانیێکی حەرام و
شەڕابی ناو قەسییدەیێکی حەرامم...!

"شێرکۆ بێکەس"

چاوگی هست و سز...