آخرین مطالب
امکانات وب
بە شەمعێکی وەھا چاری شەوێکی وا نەکەم، چ بکەم!
لە خەزنەی دڵمدا ھەرچی ھەیە، ھەر داغی سەودایە
دەسا ئەم نەقدە دەردی عیشقی پێ سەودا نەکەم، چ بکەم!
لەگەڵ دەستی مەلا ڕێ ناکەوێ زونناری زوڵفی یار
وەکوو «شێخ» ئیختیاری مەزھەبی تەرسا نەکەم، چ بکەم!
لە ڕێی ئەو شۆخە دا خۆم کردە خاک و پێی نەنا پێما
دەسا خاکی ھەموو عالەم بە سەر خۆما نەکەم، چ بکەم!
دەمێکە شاری پڕشۆری مەحەببەت مات و خامۆشە
بە قانوونی تەجەننون شۆڕشێ ئینشا نەکەم، چ بکەم!
لە چاوانم نەما بۆ گریە، نۆبەی سەجدە بەر دەریە
سیاساڵم نەبارە، نوێژی ئیستیسقا نەکەم، چ بکەم!
لە سەر تۆم دوشمنە دنیا، قەزییەم مانع الجمعە
کە تەرکی تۆ نەکەم، تەرکی ھەموو دنیا نەکەم، چ بکەم!
بەجێ ماوم لە یاران، نابەجێ ماوم. ئەجەل، زوو بە!
بە مردن لەم قسووری ژینە ئیستیعفا نەکەم، چ بکەم!
ئەوا لەیلا بە ڕۆژی حەشر ئەدا وادەی لیقا مەحوی!
ھەتا قامی قیامەت، ئاھ و واوەیلا نەکەم، چ بکەم!
نووسراوە لە دوشنبه بیست و هشتم فروردین ۱۳۹۶کاتژمێر 0:8 بە دەستی şûşe-yu|
چاوگی هست و سز...